Ons huisie by die see

21 jaar gelede, is ons as gesinnetjie saam Kaap St Francis toe vir 'n naweek.
Ons het gaan kuier vir familie se familie onder in Grosvenorweg.....
Na die naweek het ons bly gesels oor hoe lekker dit was, ek was 9, Nadia was 7 en kort voor lank het die "hoe lekker was dit daar" verander in "hoe lekker sal dit wees as ons ons eie plekkie het"

My pa en ma is altwee onderwysers en mens weet mos nou maar hoe baie geld daar tussen 2 onnies in dieselfde  huishouding.  Maar dit is toe besluit... Dit SAL lekker wees as ons ons eie plekkie kan hê by die see.

So pa en ma het toe iewers geld gekry, waar mens mos maar geld kry vir 'n strandhuis en so... en ons is weer see toe om na erwe te kyk.  Die een was bietjie duur, want jy kan die water sien... Die ander een kon ook die see sien, maar was te ver - dan sou ons moes ry see toe... Dan kan ons mos maar netsowel in Despatch bly in PE toe ry tot by die see?  So ons kry toe een.. wat nie die see kan sien nie, maar jy kan hom hoor en ruik vandaar.  Ook loopafstand van die branders af.

En pa koop die plot. 108 DaGamaweg, Kaap St Francis was nou die Mostert's s'n.
Die familie was almal ewe bly en opgewonde oor ons bossies en ons eie versamling Port Jackson bome by die see.

Menigte Sondae het ons met 'n paar stukke KFC en 'n 2l coke in die Opel Kadett geklim en dit gaan eet by die see. Onder die boom. ONS boom.  Dit was heerlik, pa het 'n paar bosse uitgekap elke keer as ons daar was en kort voor lank was die erf skoon...

Toe moes ons 'n huis kry.  Pa het lekker navorsing gedoen oor hoe die son skyn en hoe die wind waai en het die huis presies so gebou dat daar in die somer nie 'n druppel son iewers inskyn 12uur in die middag nie, maar dat die winterson mooi lekker op die regte plekke skyn.

Ons bou toe 'n huisie.  'n 1 slaapkamer, 1 badkamer, 1 leefvertrek-met-kombuis.  Mure en 'n dak.  'n Geen pleister, geen ceiling, geen toilet, geen krag, geen deure, geen vensters huisie. Net 'n dop. 

ONS dop.

JOAS - BETEKEN "DIE HERE HET GEGEE"

Met die tyd het familie soos oudergewoonte met KFC en darem nou 'n gasbottel en stofie see toe gegaan vir die naweek.  Ons is weer deur met die Kadett, ek en Nadia is soos sardientjies agter in die boot gestop, want ALLES moes saam see toe.  Van borde tot kos, tot 'n cooler box, tot klere en
sement en grawe en bougoed en ruitglas en putty.  Ons het een kamer se ruite ingesit, die deur met pale en 'n stut in die koesyn gehou en almal daar geslaap op die sementvloer vir ons eerste aandjie by die see. 

Ons badkamer was beautiful... 'n 5 liter roomysbak strategies geplaas 'n entjie van die huis agter 'n bos, 'n grafie, stuk draad waaraan die toiletpapier gehang het, en 'n boek...

So het die huisie na elke langnaweek en vakansie meer soos 'n huis begin lyk.  Die vensters was alles in, en elke gat het 'n deur gehad. Nou kon ons kuier.

Die familie het almal iets geskenk vir die huisie en die kaste en beddens en potte gebruik ons vandag nog! Mamma het sulke terrible gordynlap per meter gekoop... Rooi-blou-geel-groen geometriese patrone wat verkeerdeliks geprint was oor pienk en poeierblou blomme duvet lap, was net wat ons nodig gehad het om ALLES oor te trek en vir elke venster 'n gordyn te maak.  

DIE SEXY GORDYNE!!!!!

Dit hang ook immers vandag nog... Die banke is darem al vervang met ouma Anna se ou sitkamerstel en die kamers het nuwe gordyne en duvets gekry!

Ons het 18 jaar sonder 'n ceiling vakansie gehou.  Net die badkamer en slaapkamer het 'n plafon gekry due to obvious reasons.  Die leefvertrek het eers 2 jaar terug 'n plafon gekry!  Dit was heerlik om die reën te hoor op die sinkdak in die Junie vakansie - saam met die kaggel wat dieselfde vuur aan die brand gehad het vir die volle 3 weke van die wintervakansie.

Die muur aan die "storm" kant van die huis was net 'n enkelmuur, want ons sou nog 2 slaapkamers aanbou.  Die fondasie was gegooi en dit was ons tennisbaan vir 'n paar jaar.
Een nag het dit sò gereën van die stormkant af, dat die wind die reënwater dwarsdeur daardie  enkelmuur gestoot het en die hele huis duimdiep onder water gehad het!  Daarna was dit 'n ewige gespottery dat dit veiliger sou wees om met parravoete te gaan slaap, in case dit weer gebeur.

Ouma Daisy se bed was in die sitkamer, waar hy tot vandag nog staan.  Dit was en is die lekkerste plek in die hele huis!  Die bed in die hoek.  Ouma het gerook, en menigte nagte as ek wakker word was al wat mens in die donker kon sien, ouma Daisy se rooi kooltjie vooraan haar Craven A Mentol (die lange) sigaret.  Dis 'n nice memory, al is ouma D nie meer by ons nie. 

Ouma Daisy het ook gehelp sement aanmaak toe ons die agterste 2 kamers aangebou het en was deel van die seremonie toe die lintjie in die gang geknip word om die kamers in te huldig met ontbyt op die rou sementvloer.

Die hele huis was en is 'n familie huis.  Almal is welkom, niemand word genooi nie, jy kom het. 
Daar sal plek wees vir jou.  Ons was al 23 mense in die huisie en dit was lekker.... Almal familie.

Intussen is daar darem al teëls, 'n geyser, en krag, en 'n fully functional badkamer en kombuis.
My pa het een dag op die dak gewerk, al die gate om die dakspykers toegemaak, toe hy iemand by die eletrisiteitsboks sien karring het. Op daardie stadium het ons net een kragprop buite die huis gehad, met 'n lead wat in die huis ingegaan het vir die ketel en 'n lig deur 'n gat in die
vensterraam.  Na die man klaar was, het hy opgeskree na my pa toe, Mnr so-en-so, jou krag is nou aan... Ons het nie gevra vir krag nie?  Die arme electrician het dit by die verkeerde huis aangesit.  So toe het ons krag!  By default.  Maar daai krag waar jy die geyser moet afsit voor jy die stoof aansit en so aan. Menigte koue storte en menigte kere het die krag getrip - die krag trip nogsteeds, veral as die broodmasjien aan is - dan's die brood net 3 snye hoog!  Ons het voorheen 'n potbroodgat net langs die huis gehad - waar ons die lekkerste brode in die swartpot gebak het, maar ons het nou geupgrade - of het ons nou? Want die broodgat kon nooit trip nie?

DIE BROOD !

Met die tyd wat ons net 1 kragprop gehad het, het ons ook net een lig gehad - een van daardie mechanic ligte wat jy kan haak bo-oor 'n kar of iets om beter te kan sien my kind.  Die lig het oor die dakbalk gehang. In die aand het ons kaart gespeel en die rook van ouma Daisy en oom Leon se sigarette het om die lig gehang.  Soos in 'n ou kroeg - so mistig.

Vakansietyd was ook tyd vir swart kat speel.  Die tv-series het vir my en Nadia 'n goeie idee gegee. Ons gaan spy. Op almal en alles in Kaap St Francis.  Ons het vreeslike vergaderings
gehou met notules en presensie-lyste en almal het 'n code name gehad. Ook ons nefies, Stefan en Wessel, het 'n bynaam gehad as hulle kom kuier het.  Ons het hide-outs gebou en kaarte geteken, en regtig erg lekker gespeel op al die boupersele om ons.  Ons head-quarters was bo in
my kamer se hangkas, soos in heel bo in, ons het alles opgeskuif en 'n kombers ingesit, en het gedurende die kwartaaltyd daar vergader, minder gereeld as in die vakansie met 'n once-a-day meeting.

Ons motto by die see is "eet tot jy vaak is, en slaap tot jy honger is" en dit is feitlik al wat ons daar doen. Vreet en slaap - want ons mag.

Hierdie vakansie was die 20e Kersfees was ons as gesin by die see was.  Dit was great om my eie kinders hierheen te kon vat en te laat deel word van 'n 20-jaar-oue storie - een van die dae ruk ek my spy-gear uit en trap ek saam met my kids die bosse plat vir clues en voetspore!

Dankie pa en ma dat julle 20 jaar terug roekeloos was en vir ons 'n huisie by die see gebou het. 

Ek glo julle weet watter impak dit het op die saamwees van die familie.

I salute you.
xxx

OUPA SE VIS IS GROTER AS SHAWN

BIKINI PRE-VARSITY

BIKINI PRE-BABY!!!

Add caption

8 MAANDE SWANGER MET SHAWN

ONS STATE OF THE ART SOUND SYSTEM

PAPPA BOU DIE STOEP

OUPA GEE SHAWN SE EERSTE VISVANG LES

OUPA SE LESSE HET GEWERK!

PROOF THAT I DID IN FACT LOSE 23 KG'S AND WORE A FREAKIN BIKINI THIS HOLIDAY!
(THIS WAS PRE-TAN, I NOW HAVE A MUCH NICER TAN)

EPISODE 5

Gister is ek PE toe, vir last minute things.....
En oh my word.
Die stad is so besig, lyk soos 'n miernes wat uitmekaar geslaan is.
Niemand weet regtig waarheen hulle oppad is nie, maar almal is oppad iewers heen.
Mense drentel in die winkels asof hulle niks beter het om te doen nie... Asof die son nie skyn nie.

Ek soek natuurlik vir 'n short, want my broeke was verlede Desember al te groot vir my en na die gewig se verdwyning hierdie jaar kan julle net dink hoe dit NOU aan my hang!
So ek soek ORAL vir 'n kortbroek, maar kry net hierdie piep klein nommertjies wat net net jou kuisheid toemaak - sal ek mos ooit in so iets verskyn... 

Soek verder, kry niks - net skinny jeans in alle kleure van die reënboog, waarvan ek ook nou al genoeg pare het - en wie wil nou op die strand gaan loop in 'n jean?
Ek soek net 'n ding tot by my knieë sodat ek oor die bult kan stap tot waar ek in vrede kan lê agter die duin in my rooi costume waar niemand my gaan sien nie...

Ek soek verder - ek kry toe 'n driekwart jean, maar die hele rak hang vol size 30's.   Regtig?  Is daar mense wat 'n size 30 dra? Groot mense? Met kinders?
Ek besef weer ek is in 'n verkeerde winkel wat nie cater vir 'n mamma-lyf nie.

Die paadjie loop toe skielik uit in Woolworths, en julle weet mos nou al hoe ek voel oor Woolworths. Na die rooi lipstick-affêre van my suster se troue, wil ek nie weer daar in nie...
Maar hier is ek toe - daar is nie 'n ander paadjie as deur Woolies nie.
Ek soek my dood na die kortbroeke en wragtigwaar, hier hang presies wat ek soek.  Lekker lank, presies tot oppie knie. Ek smile toe sommer en is bly omdat ek vir 'n slag hierdie somer 'n short gaan hê wat my pas wat ek NIE by my ma geleen het nie.
Die broeke is beautiful...
Ek kyk na die prys...
Die broeke is aaklig !!!
Liewe vader mens, R300 vir 'n short? Betaal mense dit? Vir 'n short? Waarmee jy net wil loop en skuil agter 'n duin?
Never... ek sug en loop maar weer verby, tot by die eerste winkel.  Langs die miniture jeantjies hang 'n rok - lekker lank om al die bulte en strepe toe te maak en my size en wat pas by my rooi costume.
Wie't in any case nou 'n broek nodig?

Die rooi-lipstick affêre was nou vir jou 'n oordentlik katarsis daardie middag in Woolworths.....
Ek is ook met default by Woolworths is.  'n Vriendin het my gebel en wil lang dinge staan en praat - ek hou nie regtig daarvan om op die selfoon te praat in die openbaar nie.  Dit is nie nice nie, maar said friend wou nie neersit nie, en ek glip toe by die naaste winkel in om net uit stroom mense te kom.
Dit is toe Woolworths en ek glip verder agter die cosmetic counter in sodat ek in vrede verder kan gesels... Hier uit die bloute spring 'n jong poppie uit, vreeslik grand gemake-up en so en vra of sy my kan help.  Ek voel toe sleg oor ek hier in haar gebied op die selfoon klets en sê toe ja, ek sal haar nou kom soek, ek praat net gou klaar.....
Die gewone mense sou natuurlik geloop het, maar nee - Anneli met 'n gewete gaan soek toe vir Barbie en sê toe maar ek soek rooi lipstick vir my sussie se troue...  Ek dog rooi is rooi?  Daar was toe allerhande rooie in die laai en toe ek uiteindelik my mind opgemaak het, is ons till toe...
Sy lui die rooi lipstick en die till wys R300... Dit moet 'n fout wees?  Maar sy lyk heel kalm vir iemand wat nou die till verkeerd geoperate het...
Ek besef toe dat dit nie 'n fout is nie. Die flippen rooi lipstick kos R300.  Honestly?  Betaal mense dit?  Vir lipstick?  R300?
Ek ruk toe maar die plaaskaart uit, want g'n normale mens het R300 in hulle budget vir 'n once-in-your-life-rooi-bek nie...

DIT is hoekom ek nie in Woolworths ingaan nie, hulle trick jou. Hang mooi broeke uit en vreeslik hot rooi lipstick en dan vang hulle jou.  Ek like nie om gevang te word nie.
Maar nou het ek rooi lipstick.  Wat ek nog nie weer gedra het nie - mens dra mos rooi lippe saam vreeslike dramatiese oë, en hierdie mens dra mos nou nie make-up nie.
Dit is nou in die kluis. 
Vir die volgende groot affêre waarheen ek rooi lippe sal dra.

'n Rukkie terug bel dieselfde said friend wat my dure lipstick laat koop het my... Het ek gehoor Zara maak oop in Walmer Park!  Zara wie?  Wie is sy en wat verkoop sy?  Kan mens dit eet?
Sal ek mos nou weet dat Zara 'n exclusive la-di-da klerewinkel is?  Ek is mos nie so nie... Sy moet weet!  En toe is ek gister by Zara verby, vreeslik grand en wit en swart en klassiek - so totally nie ek nie.....
Maar ek weet nou ten minste wie die Zara-meisiekind is en waar haar winkel is!

Die hele shopping centre is 'n gemors, mensies in weird kleertjies wals verby - die een meisie het die mooiste tattoo op haar rug, die meeste mense wat my ken weet nie eers van myne nie, want hy is nooit meer op public display nie.
Hy lê nou net mooi op die verkeerde plek, daar in die onder-die-naeltjie-bo-die-knie area op my rug, waar g'n mens hom ooit weer gaan sien as ek my bikini aanhet nie...
Want ek dra nie meer 'n bikini nie, lankal nie meer nie!

Soos ek verder stap is dit net i-pads en i-phones en die tablet en daardie tablet en die game en daai ding en Ben 10 en angry birds...

Wie is Ben en hoekom is die voëls knorrig? 

My kinders ken nie hierdie gemors nie.  Hulle ken vir spongebob en vir king Julian en hulle speel met puzzles en regte karretjies.  Wat kom in 'n boks.  Wat jy met jou hande bou en op die grond stoot.

Terwyl ek oppad was PE toe, het 'n mamma ingebel op 5fm en gevra, wat is nou die beste vir haar 9-year-old?  'n i-pad mini of 'n some-or-other ander tablet ding waarvan ek nog nooit gehoor het nie? 
Die persoon in die alteljee het gesê die i-pad mini, want dit is klein vir klein handjies, en dat die mamma asseblief net 'n goeie cover moet kry saam met die mini pad, "because before you know it, it will be covered with snot and falling down a flight of stairs"

ek lag kliphard...

my point made
as jy klein is hoort snot op jou mou.
saam met die modder aan jou voete.
waar jy speel
buite
saam met regte birds
friendly birds

EPISODE 4

Ek is seker ek sou met iets gediagnoseer gewees was (soos William sou sê) as iemand my vir allerhande toetse gestuur het in my skooldae.
Ek kan nie konsentreer nie, kan nie stilsit nie, kan nie dieselfde brilraam dra nie - dus het ek altyd 2 verskillendes - werk in die nag, sukkel om te slaap en is ongelooflik impulsief.  Ek is verslaaf aan skoene bymekaar maak, gewoonlik die ongemaklike ondra-bare weergawes en kleur my hare weird. Ek lig my voete op as ek oor 'n treinspoor ry en roer my koffie 'n spesifieke manier...

(Hierdie uitlatings is geensins gemik op iemand wat wel op medikasie is nie, and is for entertainment purposes only.  Soos hulle op die draadloos sê, this
advertisement was paid for by the political party concerned)

Ek kan net 4 pakslae's onthou in my lewe, alhoewel daar seker meer was.  Die vierde wil ek nie oor praat nie, het 'n pilletjie nodig, maar die ander drie was vir my significant.

Die eerste pakslae wat ek onthou het ek gekry omdat ek nie ore gehad het nie.  My pa doen ongelooflike mooi houtwerk en het vir homself 'n miniatuur staanhorlosie gemaak met gewigte en chimes, the works.  Die pragstuk het gestaan op sy Pioneer hi-fi speaker soos mens in die gang afkyk.
Ek en Nadia (sus) het een van die treffer SHELL skopfietsies gehad, daai plastic wenner bikes!  My pa het gesê dat ons NIE in die huis daarmee mag ry nie, en soos mens mos maar is, het ek het Nadia mekaar in die gang af gestoot op die rooi en geel Shell motorbike.  Vet pret, totdat ek nie my draai in die sitkamer kon inkry nie, en met 'n slag reguit in die hi-fi speaker in is... Needless to say het die arme klok flenters gebreek op my kop en in stukke op die vloer geval.  Daar was bloed.
Wel, bloed of te not, is ek daardie aand goed gefoeter oor nie luister nie.  

Toe ek die volgende oggend wakker word, het my pa in die nag die klok weer semi heelgemaak en toe ek weer in die sitkamer instap het die klok heel op die bank gelê... en TOE voel ek EERS sleg!!  Maar ek het nie weer in die gang gery nie.

Die volgende pakslae wat ek onthou was toe ek 15 of 16 was,  ons was in Warmbad, by my pa se neef gaan kuier.  My niggies het ons toe haar donkie gaan wys, Bessie as ek reg onthou! Dit nadat ons aangesê is om by die huis te bly totdat die ouers tuis was.  EN om alles te kroon is ons in 'n KAR daar weg sonder 'n lisensie. Dit was uit blote skok van my ouers omdat hulle nie geweet het waar ons was nie, dat ek daardie dag pakslae gekry het, en ek voel dit was bietjie unfair aangesien ons heel en unharmed by die huis gekom het!

Die laaste pakslae wat ek gekry het was ek ook seker 16, met die houtlepel by die strandhuis.  Ek was seker maar cheeky met my ma, maar sy gryp vir my en foeter my met die houtlepel ... en DAAR BREEK DIE HOUTLEPEL.
Ek bars natuurlik toe in 'n histeriese lagbui uit... En my ma ook - so dit was toe die laaste pakslae ook.

'n Goeie pakslae is altyd goed op sy tyd, en ek SAL my kinders 'n pak gee as hulle dit kort.  En ek glo ook dat daar nie soveel probleem kinders is as wat daar gediagnoseer is nie, maar eerder 'n paar probleem ouers wat 'n pakslae nodig het.  Ek was self 'n onderwyser en sit jy by 'n oueraand VERSTAAN jy al te goed hoekom die kinders jou "ma se partytjie" woorde sê by die skool, want hulle het geen verwysingsraamwerk by die huis het nie.

Daar is altyd gedreig en gesê "wag tot jou pa by die huis kom" - ek en Nadia het dan altyd in die vyeboom weggekruip.

Ek het ook in Standerd 2 by die skool pakslae gekry, dit was nie een van die 4 nie. 
My pa is 'n onderwyser by dieselfde skool as waar ek was (laerskool).  My pa was so ongelooflik regverdig en daardie dag was my toets nie geteken nie.  Ek hol toe gou op na my pa se klas dat hy dit kan teken.  En hy het geweier.  En ek het pak gekry by juffrou le Roux.  En dit was reg, want ek het nie my huiswerk gedoen nie.

My dad has never been my "get-out-of-jail-free" card ... alhoewel daar mos obviously die select few ouers was wat nie kan verstaan dat ek REGTE brains het en gewerk het vir wat ek het soos al die ander nie. Hy het tot 'n password feature op die ou 486 MS DOS rekenaar laat sit sodat ek nie die vraestelle kon sien nie. Haha

Die beste van alles was dat, wanneer ons stout was en my ma vir my pa gesê het "Anton, praat met die kinders!!!"..... hy ALTYD vir ons gesê het "ek soen jou, hoor"
... dit WAS mos praat met die kinders after all.

EPISODE 3

So hier sit ek nou in my "kantoor"...
'n kamertjie uit die gang oppad na die spaar/stoorkamer wat eers die hedendaagse stoep was wat nou mure het.

Dit is blerrie koud! 
Die vloer het teëls en daar is 'n helse gat onder die deur.
Sê juis vir 'n vriendin gister dat, as ek my maag mooi intrek, ek onderdeur sal kan gly.
So groot.  En die ysige lug kom daar deur man!
Die koue van die teëls slaan hier op in my bene en kruis nou net mooi hier in my lae rug met die koue van agter onderdeur die deur.

Ek wil 'n heater hê, maar sommer 'n ou china issue.  Net vir die voete, want sjoe!
Mens kan net so lank suffer.

Ons het immers 'n aircon in die spaarkamer, maar daardie remote is al lankal weg.

As my rekenaar nie so baie drade gehad het nie, sou ek dit waaragtig geskuif het tot in die tee-vee kamer.
Ongelukkig kan ek nie meer op my laptop edit nie - die ding het ek met my eerste bonus gekoop in Simson se dae, nog selfs voor sy hare geknip was.
Nou moet jy weet.

Ek is nou 30.
Ek ek voel niks anders as 29 nie. So ek is nou nie seker of daar juis 'n verskil moet wees nie?
Ek het 'n great partytjie gehad - en ek bedoel vergeetlik GREAT.
Ek het voorheen vir Carol gewaarsku en gesê "Carol, ek ken my crowd.  Sorg dat daar genoeg brandewyn is.  My pelle van Despatch kom.  Toe hoef ek niks meer te sê nie, sy het my verstaan.

Ongelukkig verkeerd verstaan, want hier teen middernag, toe ek nou LEKKER begin verjaar, moes daar inderhaas gery word tot by JR se shebeen in Hankey vir nog brandewyn, want my tjommas is almal oraait en die brandewyn op!
Daar was ook mense by my verjaarsdag wat ek nie geken of genooi het nie.  Dit was baie cool dat mense die vrymoeidgheid gehad het om te kom, julle is ook almal oraait.
Baie dankie vir al die goeie wense en so aan - dit was koud, het bietjie gereën en als, maar julle was daar by die menigte.  Vir my.  Dit was 'n awesome gevoel.

Verlede maand se boereverening vergadering was heel interessant, hoor.  Ek het daar goed gehoor wat ek moet implimenteer op die plaas waarvan ek nog nie gehoor het nie.
Daar is soveel opleidings beskikbaar vir ons werkers en soveel titels wat uitgedeel moet word met verantwoordelikhede dat ons nie genoeg werkers op die plaas het om al die rolle van belang te vul nie.

Ons sal maar hier en daar twee titels moet uitgee.  Jong, as dit eers kom by opleiding vir handewas en soos ek gistraand gehoor het, opleiding vir besem operateur, dan weet ek nou nie wie bekwaam genoeg sal wees om in so 'n posisie aan te stel nie.

Sê nou die mense was verkeerd of te lank?  Die implikasies!  Ek wil nie dink nie.  En die besem - hoe weet ek nou hulle gaan die ding reg vashou soos hulle in die opleiding van R400 geleer is?
O wag - gelukkig het ek mos nou 'n besem-vee toesighouer wat kan check en 'n vorm invul.  Lorika het vandag die besem verkeerd hanteer.  kom ons hou 'n vergadering en notuleer dit sodat ons die departement van arbeid kan wys as hulle kom inspekteer.

'n Incident report julle weet.  Sy sal nie weer met haar linkerhand onder vee nie.  Sy het 'n waarskuwing ontvang.  Teken hier.  Getuie teken hier.  File.

Ander onbenullighede soos 'n per meter log boek van oral waarheen die bakkie ry sodat ons tog nie die hele diesel rekening eis nie, maak my lam.
Het julle ons bakkies gesien?  Hulle is altwee 11 jaar oud.  Die goed kan nie waag om van die plaas af te ry nie.  Die ding is tegnies onpadwaardig.  Daar word nie na 'n braai gery met die ding nie, of na die kerk of ander buitemuurse aktiwiteite wat NIE met die boerdery te doen het nie.

So ek dink daar is ons redelik veilig.
Ek het mos juis nou vertel van die bakkie in episode 2 - van waar die bakkie se wiel afgeval het en verdwyn het in die natuurskoon in.
Hy kon toe gelukkig 1 wheelnut leen by die ander 3 wiele om die spaarwiel soortvan vas te maak om verder te gaan.

Dan het ook ons darem 'n trok.  Of eerder iets wat lyk na 'n trok - dieselfde raamwerk met die verkeerde binnegoed.  Was petrol-is-nou diesel-verkeerde-ratkas-trok.
Skoonpa het gedog hy bedoel goed, en koop toe die stukkie trok ten duurste op die auction... Sal dit toe ook mos nou 'n ou scrap metal trokkie wees - ewe gevref met rooi - scrap metal - ai!
William het juis ook al sy bakkie se ratkas vervang nadat hy said vehicle teen die bult moes uitsleep om aan die gang te kom.
Dieselfde trok wat William juis die dag VOOR tabakinlewering mee gery het om tabak af te laai sodat die ander boere hom nie sien nie - net om daar te kom en uit te vind almal het dieselfde idee gehad!
Tydens daardie trippie het William 9 keer gaan staan OPPAD Patensie toe.  Hy wou die trok ook toe maar soos die wiel die klowe in laat verdwyn het - as dit nie vir die tabak agterop was nie... Marius noem hom scrappy...

Ons forklift moet ook nou blykbaar getoets word.  Daardie ding is so oud, mens draai nog 'n slinger om hom te start, so ek hoop die inspekteur kom op 'n warm dag, anders gaan dit bietjie sukkel.
Die elektrisiteit moet ook gecheck word.
Right.
Vinger op die knoppie.
Sit aan.
Lig gaan aan.
Elektrisiteit werk, teken asseblief hier en hier op die GEEL blaai, laat dit nou net nie 'n wit een wees nie.
Dit is R797, dankie.

Ons moet iemand aanstel om seker te maak dat die ander nie shock of sy vinger in die masjien druk nie. 
Wie het nou so baie geld om iemand aan te stel om rond te staan en check vir dit?  Ek dog "moenie jou vinger in die plug druk nie" was een van daai kommin sense goed.
Right, opleiding:
1 moenie-jou-vinger-in-die-plug-druk-nie rondstaner.
R400
Teken.
Sertifikaat.
Nou is nog iemand ge-uplift met 'n title...

Fan-TAS-ties!

EPISODE 2 ...

Facebook is 'n snaakse ding - jy vind daar goed uit oor jouself wat jy NOOIT geweet het nie.
Mense raak kwaad vir jou oor simpel goed en "delete" jou sommer.  Dit is vir my vreeslik snaaks hoe sommige mense so kleinlik kan wees en dink 'n delete knoppie gaan alles regmaak?
Since When?  Laat weet asb hoe daai een werk.

Ek is tog so bang om te verjaar of om 'n man of kind te hê wat verjaar, want dan moet jy nou eers weer uitvind wie baklei met wie, wie wil nie saam aan dieselfde tafel sit nie, en wie mag nie by dieselfde party wees nie.
Dit irriteer my.  Why not just be nice ter wille van jou hostess wat julle albei graag daar wil hê... As jy huis toe gaan kan jy maar verder jou Facebook unfriend knoppie gaan druk. 
Blok mekaar sommer!  Dan bestaan die een mos nie meer vir die ander een nie.  Lekker.

Hoekom moet almal mekaar altyd met mekaar vergelyk?  Alhoewel ek nou 'n Audi ry, is die blerrie ding al 6 jaar oud, het 160000 km's op die klok, die voorste linkerwiel het 1 wheel nut missing en die kinders mors kos oor die agterseat.
En so what - dis 'n kar en bring my van A tot B.  Ek sal LOVE om ons ou Ford Escort te hê waarmee ons grootgeword het.
Daai ding sal seer sekerlik ligter wees op petrol en die services sal bestaan uit 'n sparkplug en 'n nuwe tyre so nou en dan as jou kerkloop sykouse teen die drade begin skaaf.

Daai Escort het my lewe hel gemaak op skool.  Nou lag ek daaroor, maar op skool was dit die most humiliating experience as my pa my en Nadia met die Escort by die skool kom haal het.
En hy het dit geweet - which is why hy in die reguit stuk afgejaaaaaag het tot by die skool - EERS verbygery het sodat almal kon sien, en dan gestop het voor my - nadat hy op die toeter gelê het.
Dan is ons in, en het (saam met die agtersitplek) gegly agter die bestuurder se sitplek in... Tot by die huis.

Dieselfde Escort het ook 'n helse roeskol gehad regs agter net bokant die petrol cap.  Vir my het dit gelyk of my pa die helse roeskol net met 'n enkel laag Plascon dubble velvet toegeverf het - dit was baie grof, soos skuurpapier.
of wag - dalk WAS die gat toegeplak met skuurpapier en TOE geverf?  Ek gee nie om nie, want as dit oordentlik reggemaak was, sou ek nou niks gehad het om vandag oor te lag nie.

Die einste Escort het OOK een middag besluit om van sy exhaust ontslae te raak - dalk was hy jaloers op al die ander karre op Despatch wat so lekker geraas het?
My ouers is altwee onderwysers en ons het die Sondagmiddag besluit om Perseverance toe te ry waar die Standerd wat-ook-al kinders gekamp het.  Halfpad met die grondpad langs het die exhaust in die helfte gebreek.
In die middel deur - ons kon nie vorentoe of agtertoe SONDER dat die hele ding nie vassteek op die gravel en heeltemal afval nie.
Wel nou ja, ons het besluit dat VORENTOE ons beste keuse sal wees, en my pa het net daar 'n plan gemaak.
Omdat hy 'n boot gehad het, was daar altyd 'n ketting en 'n slot in die boot van die Escort sodat my pa die boot se sleepwa kon vasketting.
Ketting is uitgehaal en die exhaust is aanmekaar geketting met die slot, en die ketting moes my ma deur die venster trek sodat die exhaust kon lig - sodat ons kon ry. 
Oppad huis toe het my pa deur Pres. Reitzstraat gery.  Hoekom hy nou gekies het om deur die buurt te ry waar mense besig was om te slaap - eerder as deur die hoofstraat waar hy niemand sou offend nie, en waar hy maar net sou klink soos nog 'n laaitie wat iemand wil dice, weet ek tot vandag nie.
Ek sal daardie dag nooit vergeet nie.

En om terug te kom by die vergelykings waarvan ek vroeër gepraat het - hoekom wil almal probeer beter wees as die vorige een?  Dit is vir my sleg, want ek is nie so nie... In episode 1 het ek wel genoem dat ek 'n undercover poppie is, maar dit beteken net dit.
As daar 'n vergadering is, trek ek maar altyd my Woolworths jean aan, in case die label uitsteek, sodat almal verdomp kan sien ek het ook een.  En die enigste leerhandsak en fake pêrels word aangeslaan om in te pas. As daar verjaarsdagpartytjies is, word almal genaartjie en gekido van kop tot tone - soms dieselfde pakkie as by die vorige verjaarsdagpartytjie.
 Dit is simpel en ek dink jy maak die lewe net moeilik vir al die gewone mense om jou.  My kids floreer in PEP klere (soos hulle ma) - hully groei so vinnig dat ek NIKS voel om daar verblykte t-shirt in die drom te smyt nie - of af stoor toe te stuur saam met Sophie vir 'n verskoonsel'kie olielappe.

Mans, hoe gereeld maak jy vir vrou die deur oop?  Ek moet sê ou William doen dit so nou en dan, maar dis cool as hy dit nie doen nie.  Ek ry nie gewoonlik nie in sy bakkie nie, want dit is BAIE vuil, ghrieserig, stinkerig en stowwerig, maar as ons die dag iewers in die bakkie moet heen, sal hy te oulik vir my al die spanners en irrigation things uit die pad uithaal sodat ek kan sit - so hy MOET vir my die deur oopmaak.

Die bakkie was egter nie altyd so bad nie.  William het sy bakkie gekry die week toe ek en hy op ons eerste date was.  Jis, dit was mooi - met die klem op WAS.
Ons het mark toe gery op 'n Maandag- en Woensdagaand en dit was tog te heerlik.  Aircon / heater aan in either die somer of winter. EN ons kon CD luister.  Needless to say 11 jaar later kan jy NIE DURF WAAG om die air vents oop te maak nie, want jy sal binne-in 'n kroniese sinus probleem geblaas word, en die CD werk NIE, want NOW 5 sit vas in die CD player.  Ook kan die radio nie meer werk nie, want die aerial is non-exsistant.
So het ek toe mos weer onlangs saamgery, en dit was toe weer vet pret - ons het gelag oor die aircon en die radio en het onsself getreat met 'n lekker Kentucky burger soos in die ou dae.
William se bakkie is BIETJIE geduik, of ek moet eerder sê bietjie NIE geduik nie.  'n Hele paar blou Chep pallets het oor die dak geval op die bonnet op en William se pa het in die bestuurders deur vas reverse... Net om die volgende dag te vra "wat het met jou deur gebeur?"
Wiliam het dieselfde bakkie ook al gerol op die Hankey pad toe hy een aand laat van my af huis toe gery het... en teen 'n koei gebots het.  James was volgens William eerste op die toneel binne 3 minute (?).
Dieselfde bakkie se wiel, ja hele wiel, het 2 weke terug oppad Humansdorp toe sommer afgeval... 2 uur later het Vuyani die tyre in 'n bos gekry 200m verder in die kloof af...
Daardie selfde week se Vrydag het die brieke gefail - en hy is amper bo-oor 'n onskuldige outjie...
En nogsteeds dink William nie die bakkie is due vir 'n replacement nie.

Episode 1

Originally posted on January 7th, 2013

Baie keer bevind ek myself op die punt waar ek sê "daar is min dinge wat my so irriteer soos..." en ek het nou besef daar is quite a few things wat my grensloos irriteer:
Muskiete en vlieë: honestly, wat is die punt? Muskiete vreet my kids en laat my enkels rooi en opgehewe! En wanneer ek besig is met Krismis kos is die laaste dinge wat ek om my kop wil hê, 'n vlieg!

Kinderagtigheid is nog 'n ding wat my lam maak - baie keer wens ek ek kan hardop dink en mense laat weet they should act their age and not their shoe size!!! Wanneer mense maak asof hulle stupid is, wil ek ook sommer iets breek. Praat van breek - as jy ooit 'n glas chip (of 'n bord of 'n koppie of 'n piering) hou dit in 'n sak en as jy die dag LUS is om iets te breek, gryp daai sak en smyt dit teen die muur. MAN, dit is so bevrydend as daai glas in 'n 1000 stukke spat EN jy kan dit netjies in die drom smyt en niemand weet van niks!

Personal space... Need I say more! Moenie agter my in die ry staan met jou vooruitstrewende boesem in my rug nie!!! Jy gaan my nie vorentoe gestoot kry nie, en jy gaan nogsteeds eers NA my by die till kom, so please. Take a step back. 


Stories en nastiness is so onnodig, veral tussen "vriende" en ek verstaan dit glad nie. Wees vir 'n slag jouself en wees vir 'n slag eerlik met ander EN met jouself... En onthou
"Honesty is expensive. You can't expect it from cheap people." 

Familie drama - ag jis. Ek is so bly ek is nie die enigste een wat weet waaroor hierdie afdeling gaan nie!!! Hoekom? Ek dink nie ek hoef hier meer te sê nie - each one can relate - dit irriteer my.  Dalk kan ek hierdie jaar iets hieraan ook doen.  If I'm lucky. 

Chain letters lees ek nie eers nie. Selfs nie as dit 'n Christelike een is - ek forward dit ook nie, want wie het nou besluit ek gaan NIE geseën word en reguit hemel toe omdat ek dit nie na 15 mense toe aanstuur binne 3 sekondes nie. Ek druk delete voordat dit nog oop is. Dieselfde geld vir 'n bbm broadcast message. Sommige mense stuur amper daagliks 'n ding aan van 'n upgrade - as jy dit nie aanstuur nie, gaan jou bbm nie meer werk nie. Ek EN jy BETAAL elke maand vir jou bbm service - dink jy nou regtig dit gaan nie meer werk as jy NIE 'n boodskap rondstuur nie? Hie hie!!!


Sommige mense is ook bietjie gullable om foto's van siek kinders aan te stuur op Facebook wat na 1000 shares 'n free kidney transplant gaan kry? Hoekom? Dit ontstel my en ander net - sommige van daardie kiddies is al lankal reeds oorlede en ek is seker hulle familie gaan nie daarvan hou om 'n foto van hulle kind in 'n hoax sharing scam te sien all over Facebook nie.

My kinders wat so baklei en nie ore het nie - ek is seker almal se kids baklei en het op 'n stadium nie ore nie, so ek sê dit nou maar net hier omdat dit my partykeer bietjie irriteer as hulle nie luister nie. 

Ugly clothes at Mr Price - flippit! Hierdie somer kan jy 'n swartsak by 'n goue jean dra en jy sal presies 100% in die mode wees. Mense sal nie eers 2 keer kyk na jou nie. Dalk raak ek net oud???

Oud? JA!!! Hierdie jaar word ek 30. Ek weet nie of ek moet lag of huil nie, maar ek dink ek kan trots wees op wat ek al bereik het teen amper 30!
Ek het in 2012 geleer om nee te sê en DIT WAS LEKKER!!! Partykeer is daar 'n fyn lyn tussen "guns bewys" en "my goedheid  abuse"... Kry jou lyn en bly aan jou kant.  Staan op vir wat joune is - al is dit net jou tyd. Dit is BAIE werd.

Ek het nie nuwejaarsvoornemings nie.  9 uit 10 mense noem 'n helse klomp goed op waarby geen normale mens kan hou nie!  So ek het eerder 'n paar goals gestel waarby ek graag wil uitkom en dit sal nice wees as ek daarby kan uitkom:

* ek wil nog 'n make-up kursus by Zandri doen. Die eerste een was wonderlik, ek het so baie geleer en sal hou van nog een - sy is great. Het ook my laaste troue van 2012 saam haar gedoen en die bruid was gorgeous (al my bruide was ;) ).  Almal moet so nou en dan bietjie mooi lyk, en as jy heel dag oordentlik mooi kan lyk, why not.

* ek wil, en al is dit net 1, 'n volledige model portfolio saamstel (obviously van 'n model, nie myself nie)

* ek wil 'n trash-the-dress shoot doen

* ek beoog om 'n paar keer 'n week so 3 keer om die huis te stap en bietjie oefening kry.


* ek wil die Hanekam gaan klim saam met Johan (en William en almal wat wil saam)  Ek dreig al van Oktober 2012 af, maar sodra hy 'n groep het wat kan saam, gaan ons klim (bless my soul)
* ek en William gaan probeer om meer social te wees.  Ons is so moeg dat, wanneer ons niks HOEF te doen nie, ons net by die huis sit

* ek wil my besigheid registreer en 'n nuwe bankrekening oopmaak vir my BESIGHEID

Facebook was great vir my besigheid.  Vir my gaan dit nie oor hoeveel mense my "page like" nie - al is dit nice om al op 300 te staan met mense daar wat ek van g'n Adams kant af ken nie.  Ek waardeer al die komplimente en kommentare en kry hoendervleis as iemand wat ek glad nie ken nie, my inboks en sê hulle is "totally in love with my work".


Verwysings is vir my belangriker as advertising. Ja, advertising is nodig, maar meeste van my werk kom van "word-of-mouth" - en dis vir my cool.   My werk IS tog my advertensie.
Speaking of advertising - ek is sooooo trots op my halfblad advertensie in die tydskrif en al moes ek maar later self een gaan koop, is dit 'n beautiful en amazing magazine wat elke bruid moet hê!  Ek hoop dat die volgende uitgawe ook exciting dinge inhou vir my, al kos dit 'n paar trane!! 
Ek het hierdie jaar 7 bruide gehad - 'n slight upgrade van verlede jaar se 2.  Vir 2013 het ek al klaar 7 bruide voorlopig bespreek - een van Amerika (!!!), een op 'n wilsdplaas, in Kirkwood en in Grahamstad... ek is nie meer LOCAL nie!! EN ek werk weer in Maart 2013 saam met Jean-Pierre Uys in Nieu Bethesda.  Kan nie wag nie!  Een van sy onlangse troufoto's wat hy geneem het in Italië is (weer, vir die 3e keer) as een van die 50 mooiste troufoto's in die wêreld vir 2012 benoem?  Hoe awesome is dit?
Op die tydskrif noot is ek BAIE BITTER VREESLIK trots op William wat OOK gepublish is, maar nie so public daaroor is soos ek nie! Hy het 'n nuwe soort sitrus ge"kweek" wat NET hy het en NIEMAND anders in die hele wêreld nie - en hierdie eksperimentele sitrussoort is opgeneem in 'n boek oor sitrussoorte van die wêreld. Wow William... Dit is so cool, nie baie boere kan dit sê nie - en jy verdien dit 100% vir hoe hard jy gewerk het daarvoor!! Ek hoop dat nie vir lank "eksperimenteel" sal wees nie. 
Ek mis my hoëhak skoene. My eerste werk was by Victoria Park High School in PE. Ek was 20 en het ELKE dag met hakke gaan skoolhou. Dit het dan gevoel ek is aangetrek. Vir die volgende 5 jaar was ek so aangetrek. High heels - en toe raak ek swanger - en tot op amper 6 maande het ek met my hakke skoolgehou by Woodridge.  Toe is ek plaas toe, waar hakke nie lekker pas nie - ek DIS hoekom ek 'n kas vol skoene het wat ek nie dra nie. Dit pas nie op 'n gravel pad nie? So my fetish is nog baie lewendig en ek kan myself nou nie langer inhou nie. Hierdie somer SAL ek my hakke dra!  Al is dit net kerk toe. 

Ek is trots op my sussie wat uiteindelik klaar geleer is. 'N BTS (teologiese studies spesialiseer in jeugwerk) en 'n HOD. Dis nice. Nou's ons al 4 onderwysers - Pa, Ma, ek en sus.


Which brings me to Teachers/Teaching in general - ek is baie dankbaar vir Hannelie, Alet en Liesl (in haar toekomstige afwesigheid) vir wat hulle vir my kind en die valleikinders beteken. Dit is wonderlik om te weet dat ons kinders 'n great begin het, en dat daar met baie liefde en geduld na ons kids omgesien word. As juffrou, kan ek vir julle waarborg dat dit NIE maklik is nie en dit verseker NIE 'n halfdag job is, soos baie mense dink nie. Dit is meer, baie meer. 
(Daar is nie verniet 'n Whiskey met die naam TEACHER'S nie!!!!!)

Ek is trots op al die vrouens van die vallei, veral my vriendinne wat so goed doen met hulle besighede - vrugte, groente, kleremakers, designers, venues, gastehuise, winkels, koekversierders, en en en. In 'n tyd waar ekonomie sy agterent sien, is dit so cool dat ons almal nogsteeds strive to be better en doen waarvan ons hou.

I suck at admin. VREESLIK!!  So dalk kan dit ook 'n goal wees - om my papierwerk bietjie agtermekaar te kry. Ek voel dit is 50% my kantoor en huis se skuld wat geen ingeboude kaste het nie, maar ek sal nie meer verskonings soek nie. Ek suck - I admit - I will try.
Na 11 jaar se vry, kys, verlief, verloof en getroud wees, het ek nog nie 'n sleutel vir my eie huis nie??? Ek het dit nog net 2 keer in 11 jaar nodig gehad - waartydens 'n self-inbraak na 'n goeie idee gelyk het. En was. Die eerste keer was met die plukleer deur die kombuisvenster wat conveniently nie 'n knip aangehad het nie, en die 2e keer al met die badkamer se exhaustpype langs deur die badkamervenster wat gelukkig oop was.  Maar ek dink na 11 jaar gun ek myself 'n sleutel!


Na 2 kinders, verander mens se lyf. Surprize! En al wil jy dit nou nie weet nie, is dit hoe dit is... Girls, doen jouself 'n guns en gaan na Woolies sodat die vrou in die lingerie afdeling jou REGTE bra size vir jou kan gee. Hel, na 3 jaar se "in denial wees" het ek uiteindelik die regte bra size!!!! Dis fantasties om nie geskaaf en gedruk en gesny te word om en op plekke waar jy nie gedruk wil word nie! Doen dit!

Nog 'n personal goal wat ek nou maar net voortsit van die afgelope 2 jaar, is om nog 9 kg te verloor. Oor die afgelope 22 maande het ek al 18kg verloor en ek voel great. Gewig verloor is iets wat my en baie ander mense sommer honger maak as ek daaraan dink en ek wil nou nie so maer wees dat ek moet ankers gooi elke keer as die wind waai nie, maar ek dink daar is nog room for improvement. So as ek elke week 250g verloor, sal ek teen 21 September sowat 9 of 10kg's ligter wees.

WANT my sussie trou!!!! Met Phillip du Preez! Flippie, jy's cool! Ek love jou en ek love wat jy doen vir Nadia. 

 Apart from all that het ek nog BAIE om te sê, maar ek dink hierdie is vir nou eers genoeg om deur te werk!Tot volgende keer...